Durante o terceiro trimestre, nenos e nenas de 4º Primaria nas clases de “Valores Sociais e Cívicos” tiveron que traballar en equipo para elaborar tres pequenas historias usando a técnica “Stop Motion”. Esta técnica consiste en captar fotos de obxectos e figuras en distintas posicións de xeito que ao unilas e convertelas nun vídeo estes elementos parezan “cobrar vida”.
Para a elaboración deste vídeos establecemos varias fases de traballo dentro de cada un dos tres grupos formados:
1. Toma de decisións sobre a temática do vídeo e o valor ao que lle queríamos dar protagonismo.
2. Elección da narrativa e dos personaxes.
3. Elaboración de personaxes, escenarios e elementos decorativos.
4. Captación de imaxes para a realización do “Stop Motion”.
O resultado final foron tres vídeos:
- “Black City”: Historia que pretende concienciar acerca da importancia de coidar o medio ambiente.
- “A galiña triste”: Este vídeo resalta importancia de respectar as diferencias e axudar aos compañeiros/as que o necesiten.
- “Bullying at school”: Trátase o tema do acoso na escola e a importancia de intervir se observamos unha acción deste tipo.
Neste vídeo podedes ver as tres historias. Esperamos que vos gusten!
No hay comentarios:
Publicar un comentario