Durante o terceiro trimestre o alumnado dos grupos de 4º e 6º de Enriquecemento Curricular deseñaron unha serie de xogos e actividades con algúns dos robots dos que dispoñemos no colexio. Todas estas actividades estaban ademais relacionadas co Camiño de Santiago, tema que estivemos a traballar en todo o centro ao longo deste curso.
Unha vez que estas actividades foron deseñadas tocaba que o resto do alumnado do colexio puidese desfrutar delas. A idea inicial era que este alumnado de Enriquecemento Curricular exercese de mestres co resto da rapazada de Infantil e Primaria, pero debido ás limitacións impostas polo Protocolo COVID só puideron desempeñar este rol cos nenos e nenas dos seus respectivos grupos. Co resto do alumnado os mestres tivemos que encargarnos de transmitir e explicar ditos xogos.
Aquí deixamos un vídeo ca explicación das actividades deseñadas para cada robot e con algunhas fotos do desenvolvemento das mesmas.
