Nas pasadas semanas recibimos a visita de catro estudantes da Facultade de Educación da Universidade da Coruña (UDC), que compartiron co alumnado de 4º de Educación Primaria a lectura do conto Arlo, el osito valiente.
Esta actividade forma parte do noso compromiso coa formación práctica do futuro profesorado, ofrecendo espazos reais de aprendizaxe onde os estudantes universitarios poden poñer en práctica os seus coñecementos e desenvolver as súas habilidades docentes.
Foi unha experiencia enriquecedora tanto para o noso alumnado como para os futuros mestres, que gozaron dun momento educativo e emotivo arredor da lectura.
No hay comentarios:
Publicar un comentario