CONCERTO PACO NOGUEIRAS

O venres 20 de abril tivemos a sorte de ter no colexio a Paco Nogueiras, que nos deleitou cun concerto marabilloso. 

Bailamos e cantamos cada canción, animados pola súa enerxía e entusiasmo. Pasámolo en grande!

Por suposto, antes de que se marchara, pedímoslle que nos dedicase o CD de "Radio Bulebule" que temos en BiblioAnxo.

Aquí vos deixamos un vídeo resumo de esta xornada:

Moitas grazas Paco. Esperamos verte novamente polo noso colexio!

QUE SABES DE MARÍA VICTORIA MORENO?

Dende o equipo do Plan Proxecta de Innovación en dinamización lingüística que se está a desenvolver este ano no centro, propóñennos un xogo moi divertido para pescudar canto sabemos de María Victoria Moreno.

Animádesvos a xogar?

DÍA DO LIBRO 2018

O luns 23 de abril, para conmemorar o Día Internacional do Libro, saímos todos xuntos a ler na Praza da Concordia.

Baixo o lema "Sacamos os libros á rúa" intentamos dar visibilidade a esta data tan sinalada.

Seguindo a tradición do centro, realizamos esta lectura seguindo a técnica do apadriñamento lector, é dicir, un neno/a de cursos superiores léelle a un neno/a máis pequeno.

Deixámosvos un vídeo onde se reflicte o ben que saíu todo e sobre todo, o moito que gozamos con estas lecturas compartidas ao aire libre.

Boas lecturas!

COMEZANDO NOVOS PROXECTOS

Algúns voluntarios de BiblioAnxo están preparando xa os próximos contos que contaremos na Escola Infantil Carricanta.  Que contos serán??

CONTACONTOS EN ASPANAES

Hoxe, 10 de abril, varias voluntarias de BiblioAnxo acudiron ao CEE ASPANAES para realizar un contacontos.

As nosas voluntarias fixérono xenial e os rapaces e rapazas de ASPANAES estiveron moi atentos aos tres contos. Aplaudíronnos moitísimo!

Neste vídeo podedes ver o ben que o pasamos:

Dende aquí queremos dar as grazas a todo o Equipo de ASPANAES por darnos a oportunidade de gozar desta experiencia tan marabillosa e facernos sentir coma na nosa casa. Foi un auténtico pracer compartir con todos eles/as este anaquiño de tempo.

CADRO DE VOLUNTARIOS DA TERCEIRA AVALIACIÓN

Como cada avaliación, renóvanse os voluntarios de BiblioAnxo. Aquí podedes consultar a quen lle toca cada día.

Están esperando vervos pola biblioteca e axudarvos con calquera dúbida.

E O VEREDICTO DO XURADO É...