SAMAÍN

Para festexar Samaín montamos unha exposición temporal terrorífica no corredor do primeiro andar.

Ademais, no corredor da Biblioteca montamos un photocoll no que aproveitamos para sacar unhas fotografías que meten medo. 

UUUUUUH!

INAUGURACIÓN DE BIBLIOANXO

Na semana do 23 ao 27 de outubro levouse a cabo a presentación e inauguración de nova BiblioAnxo!!

Os diferentes grupos de Educación Primaria acudiron á biblioteca acompañados por un membro do Equipo de Biblioteca, para que se lles explicase a nova organización dos libros, recordar as normas e solventar posibles dúbidas.

Os grupos de Educación Infantil, ademais de recibir todas as explicacións do funcionamento da biblioteca, escoitaron uns contos moi entretidos.

Aquí vos deixamos unhas fotografías nas que se pode ver o ben que o pasamos.

Esperamos vervos moito pola biblio!

MALETA VIAXEIRA DE POESÍA

A “Maleta Viaxeira” é unha iniciativa de Bibliotecas Escolares de Galicia para contar cunha maleta que contén libros de diferentes temáticas. 

O Equipo de Dinamización da Lingua Galega xunto co Equipo de Biblioteca pedimos a Bibliotecas Escolares que nos emprestasen a mochila viaxeira de Poesía.

Esta mochila estará connosco ate o 15 de novembro. 

Neste enlace podedes ver os títulos que se inclúen na maleta:

http://www.edu.xunta.es/biblioteca/maletas/maleta.php?IdMaleta=4

Cos títulos en galego fixemos unha exposición no corredor do primeiro andar para que poidades gozar de todos estas obras.

Dentro da maleta inclúense varios títulos do escritor Antonio García Teijeiro, que no mes de outubro foi galardoado co Premio Nacional de Literatura Infantil e Xuvenil na súa edición 2017 pola súa obra " POEMAR O MAR" escrita en galego e ilustrada por Xan López.

Aproveitade para ler as súas obras. Non vos defraudará!

A semana pasada chegou o novo recuncho de lectura para a biblioteca. Ten un éxito enorme.

Ola de novo!
Aquí vos presento os carteis de febreiro e marzo para animar á lectura.

Ola a todos e todas:
Comezamos este ano  cunha nova iniciativa: utilizar o refraneiro para animar á lectura.
 Este é o de  xaneiro:

Letras Galegas

Ola, de novo : Hoxe pola mañá celebramos todos xuntos as Letras Galegas,con varias actividades coordinadas polo Equipo de Dinamización Lingüística.Este ano adícase a D.Xosé Filgueira Valverde, o vello profesor como era coñecido na súa Pontevedra natal.Os de sexto fixeron unha pequena biografía deste insigne galego. Houbo diversos bailes, coplas e tamén unha representación teatral da Tía Lambida de Blanco Amor.Nesta montaxe podedes ver fotos e tamén un video dunha das magníficas actuacións. Letras Galegas 2015 on PhotoPeach Tamén se entregaron os premios do IV Certame Literario "Emilia García Barreiro", en recordo da nosa querida compañeira.Velaí as fotos dos premiados, noraboa a todos. Premios IV Certame Literario "Emilia García Barreiro" on PhotoPeach