Swinging Christmas

Ola amigos e amigas: Unha das novidades que mercamos este ano para a nosa Biblioteca, relacionada con estas datas de Nadal, é "Swinging Christmas",ilustrada polo famosísimo Benjamin Lacombe. Cóntanos unha historia preciosa basada nun relato de Olivia Ruiz e ademais dos debuxos de Lacombe,tamén podedes disfrutar destas cancións. Botádelle unha ollada e o luns, pasádevos pola biblio !!

Traxe Galego

Ola a todos: Como xa sabedes o Equipo de Dinamización Lingüística organizou unha exposición sobre o Traxe Rexional Galego na Aula de Audiovisuais do cole.Tamén realizou esta montaxe informativa que vos amosamos aquí.Esperamos que vos guste.

Día da Biblioteca

Hola de novo: Xa levamos tempo desconectados do noso blogue,pero non do noso gusto pola lectura e das visitas á biblioteca, especialmente nos recreos. Aquí vos amosamos os marcapáxinas que fixestes có gallo do Día da Biblioteca,o pasado venres día 24.

O día de Rosalía

Ola lectores e lectoras:
O vindeiro venres 22 todas as escolas galegas celebrarán o día de Rosalía.

• Aquí tedes un video conmmemorativo e tamén unha páxina con moita información sobre esta autora,clave da Literatura Galega. Pincha aquí para ver o video. Rosalía sempre viva.Viva Rosalía.
• A Biblioteca virtual Miguel de Cervantes, ofrécenos información sobre Rosalía.Pincha na imaxe para  acceder a ela.

Mejor Manolo

Estes días ven de publicarse unha nova entrega do simpático Manolito Gafotas, que xa é un adolescente e que prefire que o chamen Manolo. Fai once anos da última publicación sobre este personaxe, creado por Elvira Lindo, e que con moito humor tan ben reflexa a sociedade destes tempos. Se clicades na súa imaxe, poderedes ler o primeiro capítulo.
E, xa sabedes, se vos interesa pedideo para a biblioteca do cole.

24 de outubro.Día da Biblioteca Escolar

A IASL, International Association of School Libraries, convoca anualmente no mes de outubro a conmemoración do Día Internacional da Biblioteca Escolar, como un xeito de facer visibles as bibliotecas nas súas comunidades educativas.O lema elexido para este ano é: "Biblioteca Escolar - acelerador de innovación".
Con motivo desta celebración a Consellería de Educación editou este cartaz tan orixinal,gústavos?

Códice Calixtino

O Códice Calixtino é un conxunto de textos reunidos en Santiago de Compostela nos anos finais do arcebispado de Diego Xelmírez e que se presentaba como da autoría do Papa Calisto II. O exemplar máis antigo, datado entre 1150 e 1160, consérvase na Catedral de Santiago de Compostela e é copia dun exemplar modelo. Parte do manuscrito traduciuse ao galego no primeiro terzo do século XV, coñecido como Miragres de Santiago, recolle partes da Guía do Peregrino. O exemplar máis vello foi roubado da catedral de Santiago de Compostela en xullo de 2011. O martes, día 5 de xullo foi cando os responsables do libro se decataron da súa falta. Foi recuperado un ano despois en bo estado de conservación.