Celebramos a cuarta edición da carreira Quilómetros de Solidariedade promovida pola ONG Save the Children e que este ano pretende recadar fondos para aportar ó Fondo de Emerxencia Internacional usado para axudar a nenos/as e as súas familias es situacións críticas por diversos motivos como poidan ser conflitos bélicos nos seus países de orixe.
Dende a biblioteca quixemos apoiar esta iniciativa traballando co alumnado de 6º de Primaria que "explicou" á comunidade educativa qué estabamos a conmemorar:
Desfrutamos dunha mañá soleada e a celebración da carreira transcurriu sen apenas imprevistos. Ademais, moitas familas estivechedes presentes para animar aos rapaces e rapazas durante as súas quendas de carreira facendo que o ambiente da actividade fose inmellorable.
Quixemos tamén sumarnos á iniciativa "Camiño ao respecto" contra a violencia de xénero e as 12:00 gardamos un minuto de silencio.
Pero a cousa non quedou aí xa que, un ano máis, o compromiso dos patrocinadores foi innegable como así reflexa a cantidade que entre todos recadamos e que xa fixemos chegar a "Save the Children". Por todo isto, pola vosa implicación e colaboración na actividade só podemos dicir "Moitísimas grazas!".
Deixamos a continuación o enlace a unha pequena montaxe con algunhas imaxes da Carreira:
No hay comentarios:
Publicar un comentario