O
Equipo de Dinamización da Lingua Galega e BiblioAnxo, coa colaboración
de todo o centro elaborou un almanaque para 2019, ano no que se adican
as Letras Galegas a Antón Fraguas, e o Día das Artes Galegas ao pintor
Luis Seoane.
En
cada mes aparece a reprodución dun cadro de Seoane, feita polo alumnado
de cada un dos grupos, no que se fai referencia a aspectos da cultura e
tradición galegas, que foron a base do traballo de Antón Fraguas. Está
acompañado dun código QR, no que os alumnos narran estes aspectos.
Agardamos que vos guste e o aproveitedes neste 2019!!
Para os que todavia estades pensando en que agasallos pedir nas cartas, aqui vos deixamos unhas reseñas de libros maravillosos, para mercar, ou para buscar nalgunha biblioteca,....
Dende o comezo de decembro, os voluntarios colaboradores de Olliños, están a facer unha árbore de Nadal empregando uns cartaces con portadas de libros que eles mesmos recomendan.
coincidindo coa celebración do Día da Ciencia en Galego, organizado polo EDLG, unha xornada de experimentos e aprendizaxe, empregando o galego como lingua de transmisión de coñecementos.
Para conmemorar o Día Internacional para a eliminación da violencia contra as mulleres, sumámonos á iniciativa #equaliter do Ceip Aquilino Iglesias Alvariño de Abadin, participando co noso mural grabado. Este é o video resultante:
O alumnado de E.Infantil compartiu con compañeiros do ciclo, contos, poemas e cancións do Samain.
A aula de 3 anos contou o conto "Corre corre cabaciña".
Os de 4 anos, cantaron a cancion dos esqueletos, e axudaron á profe Carme a contar "Os esqueletos divertidos".
Aaula de 5 anos, escenificou, "Un, dous, tres, vampiro ti es".
O alumnado de 4º de Primaria aproveitou a parte traseira do marcalibros agasallo polo Día das Bibliotecas, para escribir palabras relacionadas coa lectura.
Hoxe acudimos á sede da Real Academia Galega para recibir o premio do Certame Contádenos o voso Dia das Letras Galegas, da man do presidente da RAG, Víctor F. Freixanes, e a académica Fina Casalderrey, quen conduciu oacto no que tamén estivero representantes de Galaxia, Urco Editora e Bolanda Edicións, doadores, xunto con Xerais, dos lotes de libros que compoñen os premios. Tamén asistiu o viuvo de Mª Victoria Moreno, Pedro Ferriol.
Neste acto estivemos acompañados dos compañeiros do CPI Virxe da Cela de Monfero, e os nenos e nenas da EEI Milladoiro de Ames. NORABOA A TODOS!!
Hoxe chegou un agasallo para os nosos voluntarios e voluntarias! Dende Bibliotecas Escolares de Galicia enviáronnos unha camiseta para cada un deles/as.
Aquí podedes ver o ben que lle queda a Ian.
Así que xa sabedes, a presumir no verán de camiseta!
Hoxe viñeron a BiblioAnxo Pinto & Chinto, para falar cos nenos e nenas de 1. º e 2. º de primaria sobre un libro deles que acaban de ler: "Contos para nenos que dormen deseguida".
Viñeron acompañados por Xosé Pérez, da editorial Kalandraka.
Os tres contáronnos cal é o proceso para crear un libro, de onde xorden as ideas, cales son os seus escritores e libros favoritos, cal é a orixe do nome Pinto & Chinto... unha chea de cousas interesantes!
Despois tivemos a sorte de que Carlos López (Chinto) nos contase un par das historias que aparecen no libro ao mesmo tempo que David Pintor (Pinto) ía debuxando as personaxes e acontecementos das historias.
Para rematar, pedímoslles que nos asinaran no Libro de Visitas de BiblioAnxo, onde deixan a súa pegada todas as persoas que deciden agasallarnos cun pouquiño do seu tempo e saber facer.
Aquí vos deixamos un marca páxinas de María Victoria Moreno, elaborado polo equipo do Plan Proxecta, para que neste día tan sinalado poidades compartir as vosas lecturas con ela.
Esta semana varios voluntarios/as de BiblioAnxo acudiron a ler ao centro de Día de Eirís, pertencente á rede de Centros públicos da Xunta de Galicia.
O luns acudiron Julieta, Álex, Manuel, Agustina, Sandra, Martín, Emma, Xiana, María e Gabriela, voluntarios/as de sexto de primaria, para facer una breve exposición sobre a vida de María Victoria Moreno e recitar algún dos seus poemas.
Despois foron os usuarios/as do centro os que nos sorprenderon lendo varios poemas e cantándonos.
O martes foron Ian, Sabela T., Sabela M., Sabela P., Carla, Noa, Verónica, Sofía, Valentina, Alma, Elisa, Alejandra, Daniela e Helena, voluntarios/as de quinto de primaria, que lles recitaron varios poemas, contos e un par de obras de teatro.
Despois compartiron todos xuntos un tempo de conversa, no que os máis maiores compartiron as súas lembranzas e sabiduría cos máis novos.
Dende aquí queremos agradecer encarecidamente ao centro de día de Eirís por permitirnos poder levar a cabo esta iniciativa. Foi unha experiencia moi bonita e, sobre todo, moi enriquecedora. Seguro que os nosos voluntarios/as non a esqueceran nunca.
Grazas polo voso cariño e facernos sentir tan a gusto.
Aquí vos deixamos un vídeo resumo do que fixemos estes dous días.
Aquí vos deixamos o videoclip do poema musicado polo alumnado de sexto de primaria. Tamén colaborou unha alumna de cuarto, interpretándoo á lingua de signos.
Aquí vos deixamos o resultado final do "Especial María Victoria Moreno", un material audiovisual feito por e para nenos/as; co obxectivo de achegarlles a figura da homenaxeada das Letras Galegas 2018.
Entrevista a María Victoria Moreno (con conexións en directo e algunha sorpresa).
Dende o equipo do Plan Proxecta de Innovación en dinamización lingüística que se está a desenvolver este ano no centro, propóñennos un xogo moi divertido para pescudar canto sabemos de María Victoria Moreno.
O luns 23 de abril, para conmemorar o Día Internacional do Libro, saímos todos xuntos a ler na Praza da Concordia.
Baixo o lema "Sacamos os libros á rúa" intentamos dar visibilidade a esta data tan sinalada.
Seguindo a tradición do centro, realizamos esta lectura seguindo a técnica do apadriñamento lector, é dicir, un neno/a de cursos superiores léelle a un neno/a máis pequeno.
Deixámosvos un vídeo onde se reflicte o ben que saíu todo e sobre todo, o moito que gozamos con estas lecturas compartidas ao aire libre.
Hoxe, 10 de abril, varias voluntarias de BiblioAnxo acudiron ao CEE ASPANAES para realizar un contacontos.
As nosas voluntarias fixérono xenial e os rapaces e rapazas de ASPANAES estiveron moi atentos aos tres contos. Aplaudíronnos moitísimo!
Neste vídeo podedes ver o ben que o pasamos:
Dende aquí queremos dar as grazas a todo o Equipo de ASPANAES por darnos a oportunidade de gozar desta experiencia tan marabillosa e facernos sentir coma na nosa casa. Foi un auténtico pracer compartir con todos eles/as este anaquiño de tempo.
